MASHABIKI wa Liverpool wanafurahia kipaji cha Mohamed Salah labda kwa mara ya mwisho msimu huu. Mabao 27 hadi sasa ya Mmisri huyo yameifanya Liverpool kukaa kileleni mwa Ligi Kuu England, ambapo wanaonekana kubakia hapo kwa muda wote wa msimu huu.

Msimu mzuri wa kwanza wa kocha Arne Slot haungewezekana bila winga huyo mashuhuri kutoa maonesho ya kuvutia kila wiki.

Kumekuwa na muda mchache wa kufikiria mustakabali wake na 'Wekundu' hao katika miezi ya hivi karibuni, huku wakigombea mataji matatu, lakini kushindwa kwao kumsainisha Salah mkataba mpya kumezusha kengele za tahadhari.

Mkataba wa sasa wa mchezaji huyo mwenye umri wa miaka 32, unaisha msimu huu wa majira ya joto na bila shaka atathibitisha kuwa hawezi kubaki. 

Hata hivyo, iwapo ataondoka Anfield mwishoni mwa msimu huu, Wekundu hao watalazimika kuingia kwenye soko la uhamisho ili kutafuta mtu anayeweza kuziba pengo lake.

Hapa kuna wachezaji sita ambao wanaweza kuchukua nafasi ya Salah pale Liverpool, wafahaham sasa..

#1. Nico Williams

Kumtafuta Nico Williams kunaweza kuhitaji Liverpool kufanya mabadiliko ya kimbinu. Winga huyo wa Athletic Club alikuwa bora kwenye michuano ya Euro 2024 na Hispania ilipotwaa kombe hilo huku yeye akiwa na umri wa miaka 22, na alihusishwa sana na usajili dirisha la majira ya kiangazi. 

Wekundu hao walikuwa moja ya timu zilizotajwa kumwania, ingawa ni Barcelona ambao walikaribia kumsajili.

Hata hivyo, ingawa hakuwezi kuwa na shaka juu ya uwezo mkubwa wa Williams, anaweza mbadala wa Salah. Yeye hucheza zaidi kushoto tofauti na kulia, wakati pia anatumia mguu wa kulia.

Washambuliaji hawa wawili wana sifa zinazofanana - ujuzi, kasi na jicho la bao - lakini Williams ni zaidi ya winga wa jadi. Kasi na wepesi ndio sifa zake kuu, akiwa na uwezo wa ajabu wa kuchuana na beki wa pembeni kwa kukata ndani au kufikia mstari mdogo.

Williams atakuwa ununuzi wa gharama kubwa na ambao utamlazimisha Slot kubadilisha staili yake. Anaweza kuthibitisha kipaji cha kizazi, lakini anaweza kutoa maswali mengi kuliko majibu ndani ya mfumo wa sasa wa Liverpool.

#2. Bryan Mbeumo

Bryan Mbeumo labda ndiye mchezaji asiyethaminiwa sana kwenye Ligi Kuu England. Ikiwa ungetafuta mbadala wa Salah wa bajeti ndogo, basi mchezaji huyo wa Kimataifa wa Cameroon anaweza kuwa bora zaidi na rahisi kumpata.

Mbeumo na Salah wanashiriki baadhi ya sifa muhimu, hasa kuchanganya kasi na nguvu ya ajabu ya sehemu ya juu ya mwili licha ya umbo dogo. Uwezo wa kuchukua nafasi ya nusu ya kulia na mashuti ya mbali pia yanawaunganisha, huku Mbeumo akijivunia mguu wa kipekee wa kushoto wenye uwezo wa kumalizia aina yoyote ya shambulio.

Mchezaji huyo mwenye umri wa miaka 25, bado hajatoa namba za Salah, lakini matokeo yake ni makubwa. Yeye ndiye yupo kwenye kampeni iliyofanikiwa zaidi katika maisha yake ya ligi ya juu, akiziba pengo lililoachwa na Ivan Toney.

Winga huyo, ambaye pia mara kwa mara amekuwa akicheza kama mshambuliaji, hatakuwa nafuu, lakini anaweza kuthibitisha kuwa ni nyongeza ya gharama katika mpango mkuu wa soko pana.

#3. Takefusa Kubo

Kuna sababu kwamba Takefusa Kubo aling'olewa kutoka soka la Japan na Barcelona na kisha Real Madrid akiwa na umri mdogo. Ingawa hajaweza kusonga mbele na wababe hao wa LaLiga, lakini Hispania imethibitisha kuwa nyumba yenye mafanikio makubwa kwa nyota huyo wa sasa wa Real Sociedad.

Kubo amekuja katika klabu hiyo ya San Sebastian. Misimu miwili kamili ya kuvutia akiwa na Real Sociedad imevutia macho, huku mshambuliaji huyo akijulikana kwa ustadi wake.

Bado hajatengeneza msimu wa hali ya juu katika suala la mabao na pasi za mabao - bado hajafikisha tarakimu mbili katika wakati wa kampeni moja - lakini mchezaji huyo mwenye umri wa miaka 23, anaweza kustawi pale Liverpool.

#4. Johan Bakayoko

Slot anajua yote kuhusu Johan Bakayoko. Mbelgiji huyo mjanja ni mojawapo ya sababu zilizomfanya kocha wa Liverpool kushindwa kushinda taji la Eredivisie katika msimu wake wa mwisho akiwa Feyenoord. Mchango wa mabao 21 kwenye Ligi Kuu Uholanzi, PSV Eindhoven, ulisaidia kupata na kuweka rekodi ya alama.

Mafanikio ya Bakayoko nchini Uholanzi yametambuliwa na wawindaji wa Ligi Kuu England, huku Brentford ikikaribia kumsajili kinda huyo mwenye umri wa miaka 21 mnamo mwaka 2023. Liverpool wameripotiwa kuonesha nia ya kutaka kumnunua winga huyo pia.

Wekundu hao walijionea uwezo wake wa kwanza kwenye mechi yao ya mwisho ya Ligi ya Mabingwa Ulaya, huku Bakayoko akifunga bao bora katika ushindi wa 3-2 wa timu yake dhidi ya viongozi wa Ligi Kuu. Amekuwa sawa na nyakati kama hizo za ustadi wa kibinafsi na ni mchezaji mwingine wa mguu wa kushoto ambaye anafurahia kukata ndani na kulenga walinda mlango.

#5. Jamie Gittens

Borussia Dortmund kwa muda mrefu imekuwa kimbilio salama kwa vipaji vya Uingereza na Jamie Gittens ni mwingine ambaye ametafuta hifadhi katika eneo hilo. Mwingereza huyo amechukua muda kutulia baada ya kuwa kwenye vitabu vya Manchester City, lakini msimu wa 2024/25 umekuwa kama kampeni yake ya kuibuka hadi sasa.

Kuweka hesabu ya mabao ya tarakimu mbili hadi katikati ya Januari, kumewafanya miamba ya Ulaya kukaa na kumtazama mchezaji huyo mwenye umri wa miaka 20, ambaye anajivunia kasi ya ajabu na ustadi wa kushambulia. Katika msimu mgumu kwa Dortmund, Gittens amekuwa mwanga mkali.

Kama Williams, mchezaji huyo wa Kimataifa wa England chini ya umri wa miaka 21, anatumika zaidi kwenye upande wa kushoto, kumaanisha kwamba hatakuwa mbadala wa moja kwa moja wa Salah. Bado ni mchezaji mwenye kijapi cha hali ya juu na uwezo kama huo lazima azingatiwe.

#6. Jarrod Bowen

Nafasi bado haijamshuhudia Jarrod Bowen yule yule ambaye mtangulizi wake Jurgen Klopp alimtolea maneno mengi mara kwa mara. Nyota huyo wa West Ham United amewatesa Liverpool siku za hivi karibuni - alifunga mabao matatu na asisti katika mechi tatu msimu uliopita - huku kasi yake ya umeme na guu la kushoto zikiwa ngumu kuzuiwa.

Bowen mara nyingi amekuwa chini ya rada kwa kiasi fulani huko West Ham, lakini ametengeneza mabao 79 na asisti katika kampeni tatu kamili zilizopita. 

Hata katika timu ya David Moyes ambayo mara nyingi ilikuwa makini, mchezaji huyo wa Kimataifa wa England alikuwa na uwezo wa kutengeneza nafasi bora kwa timu.

Sababu ya kushindikana kwa uhamisho wa Bowen si tu bei kubwa bali umri wa winga huyo. Alifikisha umri wa miaka 28, Desemba mwaka jana na ingawa hiyo inawapa Liverpool takwimu thabiti na uzoefu, kuna matarajio kwamba kiwango chake kitaanza kuzorota katika misimu ijayo.