WAFANYAKAZI 1300 wa Shirika la Habari la VOA la nchini Marekani wamepewa likizo ikiwa ni mpango wa Rais wa nchi hiyo Donald Trump kulivunja shirika hilo.

Michael Abramowitz, mkurugenzi wa VOA, alisema katika chapisho la Facebook Jumamosi kwamba aliwekwa likizo, pamoja na "takriban wafanyikazi wote" wa 1,300 wa shirika hilo. 

 Tangazo hilo linakuja siku moja baada ya Rais Trump kutia saini agizo la kulivunja shirika kuu la VOA.Baadhi ya vituo vya redio vya VOA vya lugha mbalimbali vimeacha kutangaza taarifa za habari na kubadilisha na matangazo ya muziki ili kujaza muda wa maongezi hewani na kuwaridhisha wasikilizaji.

 Hata wahariri wakuu katika VOA wameamriwa kuacha kufanya kazi, hivyo wafanyakazi wanatarajia utangazaji wa habari duniani kote utasitishwa. Sauti ya Amerika ni sehemu ya Wakala wa Marekani wa Global Media (USAGM), ambayo pia inaendesha mitandao kama vile Radio Free Europe, Radio Free Asia, na Mitandao ya Utangazaji ya Mashariki ya Kati. Mitandao hiyo pia iko kwenye kizuizi cha Trump, kwani kandarasi za mitandao na waendeshaji zimekatishwa.

CHANZO: CNN