Zaidi ya wadau 500 wanatarajiwa kushiriki katika wiki ya Asasi za Kiraia(AZAKI) inayotarajiwa kuanza Juni 2 hadi 6 mwaka huu jijini Arusha.

Washiriki hao ni kutoka taasisi za serikali, sekta binafsi, na washirika wa maendeleo kwa ajili ya kujadili, kubuni mbinu mpya, na kuimarisha ushirikiano katika safari ya nchi kuelekea kuwa uchumi wa kati wa juu.

Tukio hilo la kila mwaka, linaratibiwa na Foundation for Civil Society (FCS) na washirika wake, katika wakati ambao nchi inajiandaa kuzindua Dira ya Maendeleo ya Tanzania (TDV) 2050.

Kauli mbiu ya mwaka huu inasisitiza umuhimu wa mashirika ya kiraia kuoanisha maono yao na hatua za vitendo ili kuhakikisha maendeleo jumuisha na endelevu.

Akizungumza na waandishi wa habari jijini Dar es Salaam leo, Mkurugenzi Mtendaji wa FCS, Justice Rutenge,  amesema wiki hiyo itajumuisha mijadala ya ngazi uhusu Dira ya 2050, ambayo ni ramani ya muda mrefu ya ustawi wa nchi, huku ikilenga kwa kiasi kikubwa maendeleo ya rasilimali watu na kujenga nguvu kazi yenye ufanisi na ubunifu.

Rutenge ameeleza kuwa mashirika ya kiraia yamekuwa na mchango mkubwa katika kutafsiri dira hiyo na pia yamechangia kupitia upitishaji wa Mpango wa Maoni ya Maendeleo ya Muda Mrefu.

“Jamii ya kiraia ya Tanzania imejizatiti katika kuunda mustakabali wa maendeleo yetu. Kupitia Wiki ya AZAKI mwaka huu, tunalenga kuunda ushirikiano imara ili kuhakikisha ahadi ya maendeleo inatimizwa kwa kila Mtanzania,” anasema Rutenge.

Tukio hilo linatarajiwa kutoa jukwaa la kushirikishana maarifa na kujadili masuala ya ushiriki wa wananchi, utawala bora, na uwajibikaji wa kijamii, huku likilenga kwa nguvu ushirikiano kwa a wadau mbalimbali.

Nesiah Mahenge, Mwenyekiti wa Kamati ya Uongozi ya Wiki ya AZAKIna Mkurugenzi wa CBM Tanzania, anasisitiza umuhimu wa kushirikiana katika sekta zote.

“Kama Kamati ya Uongozi inayojumuisha AZAKI 26, tumekua na ushirikiano imara kuunga mkono utekelezaji wa Wiki ya AZAKI,” anasema Mahenge.

Mambo muhimu yatakayozungumziwa katika Wiki ya AZAKI mwaka huu  ni pamoja na kuongeza sauti za vijana na kukuza utawala bora unaojumuisha.

Mahenge anahukuru washirika mbalimbali kwa kusaidia tukio hili, wakiwemo washirika wa maendeleo kama Shirika la Umoja wa Ulaya (EU), Ford Foundation, Wilde Ganzen, TradeMark Africa, UK International Development, na Balozi ya Uswisi nchini Tanzania.

Ismail Biro, Naibu Mkurugenzi Mtendaji wa Tanzania Bora Initiative (TBI), ambaye pia ni mshiriki wa Kamati ya Uongozi ya Wiki ya AZAKI, anasisitiza umuhimu wa ushiriki wa vijana katika mijadala ya kitaifa.

“Wiki ya AZAKI mwaka huu, inapaswa kukuza ubunifu wa vijana, kuendeleza usawa wa kijinsia na kuhakikisha ujumuishi wa watu wenye ulemavu na imedhamiria kuongeza sauti za vijana, kupigania sera zinazojumuisha na kuathiri utawala kwa njia inayoakisi hali halisi za jamii zilizotengwa,” anasema Biro.

Anasema wakati huu ambapo Tanzania inasimama katika makutano ya enzi mpya za maendeleo, Wiki ya AZAKI  inatarajiwa kuwa jukwaa lenye mabadiliko ambalo linalenga si tu kukuza ushiriki wa kidemokrasia, bali pia kuimarisha nafasi ya jamii ya kiraia katika kuunda dira ya muda mrefu ya taifa. 

Doreen Dominick, Mkuu wa Sekta ya Umma, Biashara na Benki za Kibiashara wa Stanbic Tanzania, anasema kuendelea kwa msaada kwa juhudi za maendeleo zinazozungukwa na jamii za ndani. 

“Hii ni mwaka wetu wa nne mfululizo kushirikiana na Wiki ya AZAKI na bado tumejizatiti katika kuunga mkono maendeleo ya Tanzania. Juhudi zetu ni pamoja na kuwawezesha vijana na wanawake wafanyabiashara kupitia kiwanda chetu cha biashara, kukuza ufahamu wa kifedha na kuboresha ujumuishi wa kifedha,” anasema Dominick.