Kiongozi wa biashara kutoka Tanzania, Victor Makere, ametangazwa kuwa Meneja Mpya wa nchi wa kampuni kubwa ya kimataifa ya malipo ya kidijitali, Visa, kwa nchi za Tanzania, Uganda, Burundi na Rwanda.

Makere atakuwa na jukumu la kuendesha mkakati wa ukuaji wa Visa, kuimarisha mahusiano na wateja, pamoja na kupanua huduma za malipo ya kidijitali katika masoko hayo muhimu.

Taarifa iliyotolewa leo Mei 12, 2025 na kampuni hiyo jijini Dar es Salaam imeeleza kuwa Makere atasimamia mkusanyiko wa wateja mbalimbali katika nchi hizo manne, akilenga kuongeza thamani ya kimkakati ya Visa.

Pia kuongeza mapato kwa wateja pamoja na kampuni yenyewe, na kuimarisha mahusiano ya kiutendaji. Pia ataweka malengo ya kibiashara na kuongoza miradi muhimu ikiwemo utekelezaji wa bidhaa na huduma mpya.

Chad Pollock, Makamu wa Rais na Meneja Mkuu wa Visa kwa Afrika Mashariki, alizungumzia uteuzi huo kwa kusema: "Tunafurahi kumkaribisha Victor katika timu ya uongozi wa Visa Afrika Mashariki. Kwa historia yake nzuri katika huduma za kifedha za kidijitali, upatikanaji wa huduma kwa wafanyabiashara, na ukuzaji wa biashara wa kimkakati.

“Tunatarajia mchango wake katika juhudi za Visa za kuimarisha ujumuishaji wa kifedha na kukuza biashara ya kidijitali katika Tanzania, Uganda, Burundi na Rwanda. Uongozi wake na utaalamu wake vitakuwa vya thamani kubwa tunapoendelea kujenga mfumo wa malipo wa kidijitali wenye ustahimilivu na ujumuishaji katika ukanda huu."

Akizungumza kuhusu kuaminiwa kwake na Visa, Makere amesema: "Ninajivunia kujiunga na Visa na kushiriki kikamilifu katika kuharakisha ukuaji wa malipo ya kidijitali katika Tanzania, Uganda, Burundi na Rwanda. 

“Dhamira ya Visa ya ubunifu wa kifedha na ujumuishaji wa kifedha inaendana kikamilifu na maono yangu ya kubadilisha mfumo wa malipo. Natarajia kushirikiana na wateja wetu, washirika na wadau katika kutoa suluhisho za malipo za kisasa, salama na zisizo na mshono ambazo zitachochea ukuaji wa uchumi na kuwawezesha wafanyabiashara na watumiaji katika ukanda huu."

Makere ana uzoefu katika sekta ya malipo ya kidijitali, akiwa na historia ya mafanikio katika huduma za kifedha za simu, ushirikiano wa kimkakati na suluhisho za malipo za kubadilisha sekta katika sekta ya taasisi za fedha na kampuni za simu ambako alifanya mabadiliko yenye tija.