MADEREVA wa magari zaidi ya 24,000 nchini Japani wamegonga vichwa vya habari baada ya kuonjesha uadilifu na uaminifu mkubwa kwa kulipa ushuru ambao wangeweza kuuepuka kirahisi.

Hatua hiyo ilijiri siku chache zilizopita baada ya mfumo wa malipo ya ushuru wa kielektroniki nchini Japani kushindwa kufanya kazi bila kutarajiwa kwa takribanio saa 38, hatua iliyosababisha mageti ya kilipia kufunguliwa ili kuruhusu kupita bila kulipa.

Katika mataifa mengine, hiyo inaweza kumaanisha hasara ya kifedha ambayo hakuna mtu angeweza kurejesha lakini sio kwa Japani, ambako baada ya suala hilo kusuluhishwa, madereva hao walilipa ushuru wao mtandaoni kwa hiari, ingawa wangeweza kuepuka kufanya hivyo kwa urahisi.

Kitendo hicho cha uaminifu wa nchi nzima kilienea haraka, na kuwa ishara ya uadilifu na uwajibikaji wa kijamii wa Japani. Wataalamu walisema tukio hilo linaonyesha msisitizo wa kitamaduni wa Japani juu ya heshima, uaminifu na maadili ambao huweka jamii pamoja hata bila kushurutishwa.

Pia inasisitiza jinsi maadili madhubuti ya kiraia yanaweza kusababisha uwajibikaji wa pamoja, jambo ambalo mataifa mengi yanatamani kufikia.

Katika ulimwengu ambao mara nyingi unatawaliwa na njia za mkato na mianya, madereva wa Japani waliwakumbusha kila mtu kwamba uadilifu sio kutazamwa ni juu ya kufanya kile ambacho ni sawa, hata wakati hakuna mtu anayeangalia.