Hatma kesi ya Mpina kufahamika Septemba 11
Mahakama Kuu Kanda ya Dodoma, inatarajiwa kutoa hukumu ya shauri namba 21692 la mwaka 2025 lililofunguliwa na Bodi ya Wadhamni ya Chama cha ACT-Wazalendo na ndugu Luhaga Joelson Mpina dhidi ya Tume Huru ya Uchaguzi (INEC) na Mwanasheria Mkuu wa Serikali Septemba 11, 2025.
Shauri hilo lipo mbele ya Jopo la majaji watatu wakiongozwa na Jaji wa Mahakama hiyo Jaji Abdi Kagomba, ambalo linahusu kurudishwa kwa mgombea wa kiti cha urais wa Jamhuri ya Muungano wa Tanzania kupitia ACT- Wazalendo kwenye mchakato wa uteuzi wa wagombea.
Kutokana na kukamilika kwa uwasilishwaji wa hoja kwa njia ya maandishi kwa pande zote mbili shauri hilo leo limeanza kusikilizwa kwa ajili ya uwasilishwaji wa ana kwa ana ili kutoa nafasi kwa pande zote kufafanua hoja zao ikiwamo kujibu maswali kutoka kwa majaji wa jopo hilo.
Baada ya pande zote mbili jana kumaliza kuwasilisha hoja zao mbele ya jopo la majaji hao, Jaji kiongozi wa jopo hilo Jaji Kagomba, amesema wamemaliza kusikiliza hoja za pande zote mbili hivyo hukumu ya shauri hilo itatolewa Septemba 11, 2025.
Habari Kuu
Trending stories
© 2025 IPPMEDIA.COM. ALL RIGHTS RESERVED